Friday, June 17, 2011

დეპრესია

არ ვიცი, ვის როგორ და მე დეპრესია შემდეგნაირად მეწყება: მთელი სამყარო, ერთი უზარმაზარი კბილანებიანი მექანიზმივით ამოძრავდება საოცრად შეთანხმებულად და სინქრონულად ოღონდ ამჯერად შენს საწინააღმდეგოდ. ზოგადად, არაფერი არ აღვივებს ადამიანის მებრძოლ სულს ისე, როგორც მთელი სამყაროს წინააღმდეგ ბრძოლა, თუ ამ სამყაროს თუნდაც ერთი ნაწილი შენსკენაა, შენიანია. ის ერთადერთი ნაწილი, რომელიც გაგრძნობინებს რომ მარტო არ ხარ, რომ შენ და ის გუნდი ხართ.

არა, სულ ტყუილად ფიქრობთ რომ აქ ბონი და კლაიდისეულად, მხოლოდ "მეორე ნახევარს" მოვიაზრებდე. "ის" შეიძლება იყოს თუნდაც მეორე ნახევარი, მეგობარი, სულაც მეგობარი გოგო, მშობელი, უბრალო გამვლელი ქუჩაში ან თუნდაც შენი ერთგული კომპიუტერი (ჰმ, რატომაც არა?).

მოკლედ ფაქტი, რომ არ ხარ მარტო აბსოლუტურად ცვლის ყველაფერს. ახლა უკვე ხართ "შენ" და "ის" და თქვენს წინააღდმეგ არის მომართული მთელი სამყარო. იბრძვით მხარდამხარ, ერთად. შენ არ გაქვს უფლება ხელები ჩამოყარო და დანებდე _ მარტო რომ იყო, ალბათ მარტივად იზამდი ამას, მაგრამ ახლა ეს აზრადაც არ მოგდის.

სინამდვილეში გულზე ხელი რო დავიდო,ყველა ჩემი ღმა დეპრესია (большая безработица), რომელიც საშუალო-სტატისტიკურად წელიწადში ერთხელ მსტუმრობს ხოლმე (...თუნდ ზღვა ემართოს სისხლისა), სრული წვრილმანებით იწყება. მაგალითად: არ მოდის წყალი შენ კი ხვალ სტუმრებს ელოდები და ჭურჭელსაც კი ვერ რეცხავ, სახლის მცირედ დასუფტავებაზე რომ აღარაფერი თქვა, ყველაზე ბევრი საქმე რომ გაქვს და რამდენიმე მნიშვნელოვანი პროექტი მოსაქოქი გეწვება კომპიუტერი (აკი ვთქვი, თუნდაც კომპიუტერითქო), უცებ აგეშლება კუჭი, დაგიჯდება მობილური, გამოგელევა ფული (ამ მიზეზით ცხოვრებაში უხასიათოდ არ გავმხდარვარ), კომპანია დელი რიგით მესამედ არ იღებს შენს შეკვეთას არც თუ ისე იაფფასიან ნოუთბუქზე, რომელიც მოგცემდა საშუალებას შენი სახლის მოსაწყენი ოთხი კედლიდან კი არა, საიდანაც გინდოდა იქედან გემუშავა (Dell-ის საიტზე, ნოუთბუქს კი არა პრაქტიკულად "სვაბოდას" ვყიდულობ - კარგი სახელი იქნებოდა, საბჭოთა წარმოების ნოუთბუქისათვის).

ამ დროს კი, იღებ მობილურს რომელიც ახალი შეერთებული გაქვს დასატენად, მაგრამ შუქის მოულოდნელი გარდაცვალების გამო, გაწითლებული ელემენტით გაფრთხილებს _ თუ რამე გინდა, დროზე მიქენიო. კრებ ვინმეს ნომერს (სიტუაციიდან გამომდინარე).

მაგლითად, ურეკავ დას - იცი, დელის საიტიდან წერილი მივიღე, რომ შეკვეთა გააუქმეს. გაყიდვების მენეჯერის ტელეფონია მითითებული და მაინც ტოეფელის-სერტიფიკატ გავლილი ქალი ხარ, რომელიც ლონდონში აპირებს სწავლის გაგრძელებას და იქნებ მიშველო რამე _ დაურეკოთქო. ის კი გპასუხობს, რომ ახლა კინოში გარბის (იმედი მაქვს აგვისტოს 5 დღე არ უნდა ნახოს განმეორებით) და ღამის პირველზე აუცილებლად დაურეკავს გაყიდვების მენეჯერს (რომელიც დარწმუნებული ვარ, მაინც არ მაყიდინებს ონლაინით იმ ნოუთბუქს). აი, განა რამეს აშავებს ჩემი და - რა იცოდა ახლა, შენ რო დაურეკავდი კინოში გასვლის წინ 5 წუტით ადრე და ამერიკაში მოთხოვდი დარეკვას? მერე რეკავ სხვასთან, მერე სხვასთან, მერე სხვასთან.

მერე უცებ ჩერდები... და ბრაზდები ყველაზე და ყველაფერზე. სამყაროზეც, რომელმაც უცებ პირი შეიკრა და გასული დღის ღვარცობის დამსახურებით წყალიც კი არ გაქვს, ყველა ნაცნობზე, მეგობარზე. მოკლედ ყველაზე და ყველაფერზე და უბრალოდ მარტო ყოფნა გინდა. იკიდებ ყველაფერს და ჩადიხარ უბნის "მინი-სუპერ-მარკეტში", რომ იყიდო დახლზე შემოდებული სითბოსგან გვარიანად მდნარი "პლიტკა შიკოლადი".

ან არა და ერთ მშვენიერ დღეს ფიქრობ - ერთი ამის დედაც ვატირე, ავდგები და დავწერ ბლოგზე. ესეც ხო თერაპიაა, იქნებ მიშველოს და რა მნიშვნელობა აქვს ვინ რას იფიქრებს, ვინ რას იტყვისო? ხო და წერ კიდეც.

შემდეგ კი დგები და პოსტს ისე ამთავრებ, როგორც ნებისმიერი დეპრესიაში მყოფი დაასრულებდა.

9 comments:

  1. ლაშარელა, შორს დეპრესია, რეპრესია და ა. შ. :)
    შენ თრეაპია უძახე და მშვენერი პოსტი გამოცხვა :)
    იგ

    ReplyDelete
  2. ლაშა, ძალიან მიყვარხარ :))და შოკოლადი მარტო ქალებს გვშველის. ჯობია დალიო:)))))))

    ReplyDelete
  3. ჩემი დელის ლეპტოპს გათხოვებ - სანამ ისა..

    :მო:

    ReplyDelete
  4. ზემოდან გვეკაიფებიან.. :)

    კარგი, არაუშავს, დაიძინე და გაგივლის.. :))

    ReplyDelete
  5. Shemovedi da ise borotulad gamixarda es posti(titqoa martla marto ar var ase )) am sagamos davrwmundi rom, tyuilia shokoladi bednierebis hormonebs "badebs"
    (ogond nu ga ifiqreb "amas raga undao"?)))

    ReplyDelete
  6. ტუალეტის ქაღალდი რა საყვარელია :)

    ReplyDelete
  7. ES ISAA RAC YVELA ADAMIANS GANGVICDIA, ISE RA UCNAUREBI ART ADAMIANEBI ragac cvrilmanebze vcucunebt sul arada sheizleba sixarulisa da bednierebis mizezi cxvircin gqondes da verc ki amchnevde... saertod asea sicocxles mashin apaseb sikvdils rom sheepetebi;; asea gamocdili maqvs...

    ReplyDelete
  8. va, turme lasharelasac sheidzleba daemartos depresia ;)

    ReplyDelete