ქართული YouTube

არ ვიცი, დაკვირვებიხართ თუ არა მაგრამ "ქართული იუთუბი" ცალკე ფენომენია. მაგალითად თავისუფლად შეხვდებით ვიდეოს, რომელსაც ნებისმიერ სხვა ენაზე დაარეპორტებდნენ და წაიშლებოდა საიტიდან. თუმცა ქართულად პრობლემა არ არის - ჩვენ "დარეპორტების" კულტურა არც ისე განვითარებული გვაქვს, ხოლო უცხოელები ვერ გაიგებენ შინაარსს:)

მაგრამ ამჯერად თქვენი ყურადღება, ქართული "Zalian magari leqsebit" დამძიმებულ იუთუბის სერვერებზე მინდა გავამახვილო:

(სუსტი ნერვების და 18 წლამდე ასაკისთვის რეკომენდირებული არ არის)

რა მოწია დათუნამ?

:))

ნუ, მეტს არაფერს დავწერდი მარა სმაილის ინტერპრეტაციის დედა ვატირე _ ვინ როგორ გაიგებს :)
მე ვუსმენ და მეღიმება, მეღიმება და ე.ი. კარგია. თვისი წრფივი რითმებით, სადღაც ახმეტელის მეტროსთან სახინკლეში ღიპდადებული მუსიკოსის "იამაჰაზე" შესრულებული ქვინის რომელიმე მუსიკის დაკვრისას აყრანტალებული ყალბი ნოტებივით გამომხტარი ურითმობით.

მმ... ჯოკონდა ავტომატით :) ყურს მჭრის, ვეღარ და აღარ ვწერ - უბრალოდ მოუსმინეთ :)









დანარჩენი იხ. იუთუბზე _ ვულკან ბოგრეშელი

კანფენტი


მოკლედ _ მსახიობი, მომღერალი, ექიმი, მეწარმე, ლიდერი, მგოსანი:

ისევ სიმონი

ძველი პოსტის ქვეშ, კომენტარებში გაზიარებული ვიდეო, ნამდვილად იმსახურებს ადგილს ვიდეოთეკაში:



ვწუხვარ, რომ ჩემი საყვარელი სამეულიდან ვერც ერთი ჩანაწერი ვერ ვიპოვე, მაგრამ მაინც

მუ ჭორექ შექსპირ?

არაფერი განსაკუთრებული. რატომღაც ფილმ "მონანიებიდან" ამონარიდი 66 სონეტის მოსმენა მომინდა და youtube-ში სიტყვა "სონეტი" დავძებნე. ასეთ დროს არ უნდა იჩქარო. ვიდეოს ნაპოვნი სათაურით კარგად უნდა დატკბე და მხოლოდ შემდეგ ჩართო ვიდეო: "შექსპირის VII სონეტი - მეგრულად"!



მერე წაიღო და წაიღო. თუ მოიტანა და მოიტანა:




ამასობაში, მაღლივში ჯგუფელებისგან ძლივშესწავლი "ხვიჩა-ხვიჩა მურიცხეფიც" გამახსენდა და წარმოვიდგინე როგორ მიესალმებოდნენ ჩემი ჯგუფელები უილიამს, ამის საშუალება რომ ჰქონოდათ.

ისე, "ქაოსი" მეგრულადაც "ქაოსი" ყოფილა _ გამაკვირდა.

რატი ამაღლობელი

- მოგწონს რატი?
- არა
- მაშინ რატომ იყიდე მისი წიგნი "თუ" სტუდენტობისას, მთელი შენი 2 კვირის სამყოფი ფულით?
- იმიტომ რომ არ მომწონებოდა.არა, მანამდეც არ მომწონდა - პირში მწვანე ფანქრით თავისი წიგნის პრეზენტაციებზე
- და მაშინ რატომ იყიდე წიგნი?
- ალბათ რატი არ მომწონდა და მისი ლექსები კი
- და ახლა?
- რა ახლა?
- ახლა მოგწონს რატი?
- ახლა რატი მომწონს მაგრამ ლექსები აღარ
- ჰო, რას გაიგებ
- ჰო, ალბათ მოვა დრო და ორივე მომეწონება
- ან არცერთი
- ჰო, რას გაიგებ







და ძოძუაშვილის მუსიკა მართლა საოცრებაა. ყოველთვის მინდოდა ჩემი რომელიმე ლექსი მუსიკასთან ერთდ მომესმინა :)

გაიცანით ეკო

არა, თქვენ მას იცნობთ. როგორ? მარტივად _ ყველაზე პრიმიტიული ეპატაჟით მან მთელი საქართველოს ყურადღება მიიპყრო.
დღეს კი... დღეს კი ვიდეოთეკას კიდევ ერთი კარგი პოეტი მინდა შევმატო:

გაიცანით "სხვანაირი" ეკო დეისაძე:

(არც ისე) უცნობი პოეტები

გინდათ ერთი კარგი თამაში გასწავლოთ? თამაში რა, პრევენციული მეთოდი, ლექსის რენტგენი, იუთუბის ნამდვილი მხსნელი _ სტროფის ის სიტყვები ამოიწერეთ, რომლებიც (იდეაში) ერთმანეთს ერითმება.








[youtube http://www.youtube.com/watch?v=8KdrbE4FVdA]

[youtube http://www.youtube.com/watch?v=o_WzpAG69Ks]


[youtube http://www.youtube.com/watch?v=jw2ECaWME1E]

[youtube http://www.youtube.com/watch?v=jRslgxcUubg]

[youtube http://www.youtube.com/watch?v=aA__JfI9kd4]


[youtube http://www.youtube.com/watch?v=xwqnHPm4WhU]
(ნეტავ ვისი ლექსია? უბრალოდ კარგად კითხულობს. ამის არ დადება არ იქნებოდა)


[youtube http://www.youtube.com/watch?v=x5T6IzwOtYQ]

[youtube http://www.youtube.com/watch?v=jdJSDtbZA08]

და ჩემი რჩეული _ (არ ვიცი რატომ მაგრამ) ტელეკომპანია იმედის რჩეულიც:

[youtube http://www.youtube.com/watch?v=w8yfSj_xiGU]

ვაგონი... გამგონი... ვაგონი...გამგონი... და ისევ ვაგონი

(ესეც, ესეც - სკანდირებს ხალხი)
[youtube http://www.youtube.com/watch?v=fKD3nRXy6TI]

Собака Путина - Орлуша

ვაგრძელებ, ჩემი ერთერთი რჩეული პოეტის ვიდეო-პოეზიის სერიას.

გასული სერიები იხილეთ ბმულებზე:

Андрей Орлов (Orlusha) про Ксению Собчак
Орлуша - "А может"
Орлуша, "Заебало"
Орлуша, "Про нашу песенку" (финнсккайа нароотнайа)

[youtube http://www.youtube.com/watch?v=qi8jbVtIc4E]

მართალია ძაღლი არ არის და აფთარია მაგრამ მაინც, ბიონსეს "ქართველებში გაბაზრებული" კლიპიც მომაგონდა რატომღაც :)

შოთა, ილია, აკაკი ვაჟა და... კვენტინ ტარანტინო

მიძინებულს დეიდაშვილი მაღვიძებს:
- ლაშა, ვაჟა უფრო დიდია თუ რუსთაველი? - გადავზომე გონებაში მელიქიშვილიდან თავისუფლებამდე და პეკინიდან ვაჟას ძეგლამდე
- ვაჟა
გახარებული გავარდა გვერდით ოთახში:
- აი, ვთქვიი... რას ამბობ, მარტო "სტუმარ-მასპინძელი" რად ღირს...

ეს ისე. მსუბუქი შესავლისათვის. ისე კი ვინ არის ვაჟა? ზოგისთვის უბრალოდ მთების არწივი. ოჰ რა პოეტურია ღმერთო ჩემო. ზოგისთვის უშრეტი სამყარო. ზოგისთვის ბევრი აბსტრაქტული რამ. მაგრამ ჩემთვის ვაჟა ყოველთვის კონკრეტულია.

მაგალითად, ჩემმა მეგობარმა როდესაც ძალით წამაკითხა ეზოთერიკების საყვარელი წიგნი "ანასტასია", მივხვდი რომ სხვა არაფერი იყო თუ არა უნიჭოდ გადამღერებული ჩვენი მწერალი. ვაჟას მსგავსი გადამღერებები ბევრგან შემხვედრია. მაგრამ ამასწინათ იუთუბზე შემთხვევით "ალუდა-ქეთელაურს" გადავეყარე.

გაფრთხილება: მშობლებო, არასოდეს წაუკითხოთ ბავშვებს წიგნები!

სწორედ ბავშვობაში წაკითხული ზღაპრების გამო მივეჩვიე წიგნების მოსმენას და არა კითხვას. ამჯერადაც მოსაწყენ საქმეს ფონად, იუთუბის ფანჯრიდან გადმომდგარი ალუდა ქეთელაური დავუფინე. ცოტახანში თავად ვერ შევამჩნიე ისე დავიძაბე. შეგრძნება ისეთი მქონდა რომ მძაფრსიუჟეტიან თრილეს ვუყურებდი. არა, ეს არ იყო ურბალოდ ვესტერნი. მსუბუქი დაცემებით და ცუდადგამოხმოვანებული ტყვიების "წუილით". რაღაც უფრო საკაიფოს, უფრო მძაფრს, რაღაც კვენტინტარანტისეულს ვუყურებდი. ცოტა ხანში მივხვდი, რომ ასე ემოციურად, არა რომელიმე ჰოლივუდის ფილმმა, არამედ მუცალისა და ალუდას სუპერდაძაბულმა შერკინებამ აღმაგზნო.

თვალწინ გამიცოცხლდა 3D-ში გადაღებული, ბეჭდებისმრძანებლისეული სუპერ კადრი:

"გადავარდება ცხენზეით,
ყელ-თავქვე ეკიდებისა"

და უცებ, მიზანს აცდენილი მსხვილკალიბრიანი იარაღი ისე გემრიელად მოხვდა კლდეს:

"გამასტყვრა მუცალის თოფი,-
კლდის პირი დაიშლებოდა"

რომ ტელევიზორის რეკლამების მსგავსად, უწვრილესი დეტალების გარჩევა დავიწყე და ნამსხვრევები სახეში შემომეყარა.

საუნდიც ისეთი დადგა რომ ყველა დოლბი-სურაუნდის დედა ვატირე:

"ხმა ალუდაის თოფისა
ჭეხასა ჰგვანდა ცისასა."

[youtube http://www.youtube.com/watch?v=KJstz1ufLJc&w=480&h=390]

[youtube http://www.youtube.com/watch?v=oyQiu2DpgFg&w=480&h=390]

არა, თუ ასე მივყვებით ვეფხისტყაოსანს რომ გაცილებით მაგარი ეკრანიზაცია ექნება თქმაც არ უნდა. "ჯდა მტირალი წყლისა პირსა" ტარიელის მიერ მათრახით შუბლისკანგადახეთქილი ჯარისკაცებით დაწყებული, "ტარაჯორად" გასტყორცნილი მეომრებით გაგრძელებული და ქაჯეთის ციხის ბრძოლებით დამთავრებული. ვფიქრობ არც სექსის ნაკლებობა იქნება და არც ლამაზი ხედების და ლანდშაფტების.

აი, ასე მაიმუნობით თუ დავაინტერესებ ჩემს რამდენიმე მეგობარს თორე ვაჟას "გველის-მჭამელს" ისევ "ანასტასია" ურჩევნია და "ალუდა ქეთელაურს" კი "ბორნის ულტიმატუმი".

და მაინც:
ვაჟა უფრო დიდია თუ რუსთაველი? - ჯერჯერობით მგონი მაინც ტარანტინო.

გიორგი არაბული 2.0

ძალიან კარგი ლექსი (მადლობა მკითხველს ნიკით "მეგრელა")

[youtube http://www.youtube.com/watch?v=rSSC_GkQV_Q&w=480&h=390]

გიორგი არაბული, 1.0, 2.0 თუ როგორც არის :)
.

ისევ ჭილაძე -

და ამ პატარა მიწის ნაგლეჯზე შემაძრწუნებლად ვარ ბედნიერი...

[youtube http://www.youtube.com/watch?v=c1YEUr6iL-I&fs=1&hl=en_US&rel=0]

ზურაბ გორგილაძე - ჭადრაკი

[youtube http://www.youtube.com/watch?v=gPqexKCCqSE&fs=1&hl=en_US]

ვიცი რო გიყვართ - გიორგი ზანგური

[youtube http://www.youtube.com/watch?v=zI_QVJWcb7A&fs=1&hl=en_US]

პატარა გიორგი VS ბაჩო ჩაჩიბაია

პრაქტიკულად საბავშვო ლექსებს ვწერ თურმე და არ მცოდნია :)
ჩემი და ბლოგზე ვიდეოთეკას ათვალიერებდა. ამ მაიმუნმა კი რამდენიმე ლექსი დაიმახსოვრა :)

გიორგი:

Орлуша, "Про нашу песенку" (финнсккайа нароотнайа)

თემურ ელიავა

აღმოვაჩინე ამ კაცის სახელი და გვარი :)

[youtube http://www.youtube.com/watch?v=Ld28h6PpJM0&hl=en_US&fs=1&]


ეხლა არ დაიწყოთ რბილი "ლ"-ო...ლექსსებს მოუსმინეთ...

Нико Гомелаури

რუსულად დავასათაურე განგებ და მოგვიანებით მიხვდებით რატომ.

მახსოვს, ერთ მშვენიერ დღეს გავიღვიძე, კომპიუტერის ჩართვასთან ერთად "ფეისი" გავხსენი და დამხვდა ბევრი ლექსი, ძალიან ბევრი ლექსი, ოღონდ ყველა ნიკო გომელაურის. რატომღაც არავის არ ეწერა რომ ნიკო გარდაიცვალა, მაგრამ მივხვდი რომ ასე იყო.

ნიკოს ლექსი იმ დღეს ფეისბუქზე მგონი ყველამ "დაპოსტა" თუ "დადო"...იმან ვისაც უყვარდა ნიკო, იმან ვისაც ყურმოკრული მაინც ქონდა, იმან ვინც არ იცოდა ვინ იყო საერთოდ ეს ადამიანი, და იმანაც ვინც არ იცოდა, რომ იუთუბის ეს ვიდეო თუ ტექსტი ვიღაცის სტატუსში საერთოდ ლექსია თუ მოთხრობა.

ჩემო ბლოგის მკითხველებო, იმედიმაქვს მეც არ გამიბრაზდებით. როდესაც ვისმენ რაიმე კარგს, გემოვნებიას ან უბრალოდ "ჩემეულს", ძალიან მინდება სხვებს გავუზიაროთ. ამიტომაც გიზიარებდით ნიკოს ლექსებს მის გარდაცვალებამდე და ეხლაც ვერ შევიკავებ თავს, თუმცა გარკვეულ კომპლექსს, ნიკოს გარდაცვალების დღეს მომხდარი მასიური ისტერიის შემდეგ ვგრძნობ.

იმედია გამიგებთ. მაშ ასე, ნიკო გომელაური (მგონი) ნაწილი IV:


[youtube http://www.youtube.com/watch?v=ZJmkMQF78Sg&hl=en_US&fs=1&]

გამიბანძდა - ვიდეოთეკა

პირველად ბლოგის ისტორიაში საკუთარი ლექსი ვიდეო ფორმატში :)
დიდი მადლობა ბაჩო ჩაჩიბაიას... მადლობა მეგობრობისთვის... :)

[youtube http://www.youtube.com/watch?v=FNbrt3XOYcU&hl=en_US&fs=1&]

დიდი მადლობა ნატალის რომ იგივე ვიდეო დააფიქსირა :) მისი ვერსია უფრო მომწონს თუმცა ბლოგზე ვერ დავაკოპირე :)

ნიკო გომელაური - ნაწილი 3

[youtube http://www.youtube.com/watch?v=AbSgE9HxUgM&hl=en_US&fs=1&]

Стихотворение С. Есенина

[youtube http://www.youtube.com/watch?v=F9_FYbGbRuw&hl=en_US&fs=1&]