Saturday, October 2, 2010

თარო

შენგან გამომყვა სურნელი
და ძილში ჩამყვა ღიმილად
შენი კოცნა კი შემოვდე
წიგნების გვერდით - თაროზე

შენი დაშლილი თმებიდან
ამოხეთქილი ლიბიდო
პურეულივით დავლეწე
ძველი რითმების კალოზე

ტანზე ჩაცმული ღრუბლებით
მთვარე მიყურებს გუბედან
თაროზე დატოვებული
შენი კოცნა და მარკესი

არაფრით განსხვავებულად
მზის სხივი გიჩანს უბიდან
მიყვარს თვალებს რო მოხუჭავ
შენი ყოველი ნაკეცი

შენგან გამომყვა სურნელი
და ძილში ჩამყვა ღიმილად
შენი კოცნა კი შემოვდე
წიგნების გვერდით - თაროზე

No comments:

Post a Comment