Tuesday, August 31, 2010

კოინე ანუ სოციოლექტი

ეძღვნება ყველა პუტანას დედამიწის
ზურგზე რომელსაც უყვარს

მე მიყვარს შენეული კოინე
მე მომწონს ღამის რომ ხარ ფარვანა
ოდესღაც შენ მე დამაგოიმე
და ვაგონმშენებელი ქარხანა

მე მომწონს მთელი ღამე რომ შრომობ
გადაქექილი ჩულქის სათავით
თავგანწირული იბრძვი და ომობ
და დილით მაინც ჩემთან ათავებ

დაღლილი პერანგს რომ მიუთოვებ
როცა ისტუმრებ ბავშვებს სკოლაში
შემდეგ კი დგება ღამე უთუო
მობეზრებული შავი კოლაჟით

მე მიყვარს შენეული კოინე
მიყვარს სიტყვები რომლებსაც ხმარობ
ღამით სხვადასხვა კაცებთან იწყენ
და დილით ჩემი დანახვით ხარობ

6 comments:

  1. http://www.nplg.gov.ge/gwdict/index.php?a=term&d=3&t=19546
    05:42 > იმედია ბლოგის საათი ურევს, ხო?

    ReplyDelete
  2. გმადლობ, ანონიმო.. :)

    ReplyDelete
  3. koine, ძველი გრეკების ენაზე საერთოს ნიშნავს, ლიმვისტურ კონტექსტში კი საერთო ენას.

    ReplyDelete
  4. ლიმგვისტი დავწერე ლინგვისტურის მაგივრად? დროა დავისვენო :D

    ReplyDelete
  5. ლიმგვისტურს არაუშავს...აი გრეკების ნაცვლად ბერძნები უფრო გაასწორებდა :)

    ReplyDelete
  6. გმადლობ, ანონიმო.. :)

    ReplyDelete