მოდი ერთად დავითხაროთ თვალები
წამოდი და ჩემთან გადმოსახლდი
ხომ იცი რომ აღარავართ მთვრალები
ხომ იცი რომ მეტს ვერაფერს გაგხდი
მოდი ჩემთან შემომხვიე ფეხები
დავემსგავსოთ დეციმეტრულ ანტენებს
ჩვენ ერთად ვართ - ქალაქელი გლეხები
ბომონდი კი ჩვენს გარეშე ათენებს
მოდი ერთად გავიყინოთ ეზოში
შენი ტანი თვალწინ... მუდამ მიდგება
მუცლის გემო, ძუძუების გემოში
გავცვალე და აღარ შემირიგდება
მოდი ერთად დავითხაროთ თვალები
დავემსაგვოსთ დეციმეტრულ ანტენებს
ჩემთან არის შენი მკრთალი ხალები
ბომონდი კი ჩვენს გარეშე ათენებს
No comments:
Post a Comment