გრუზინი

ბოლო წუთზე, ბოლო წამს
სხვანაირად მეც არ მწამს...
ძმაკაცებში, ქალებში
მაგრამ მაინც კაცურად
პროცენტიან ვალებში
შორტით - მაგრამ დაცურავს

და მაგარი ნომერი
მანქანის და მობილის
და მაგარი ბაითი
და მაგარი ძმობილი
და ისე რა ცნობილი
მის "კუხნაში" ქალია

ოღონდ განსხვავებული
მაგრამ განსხვავებული
ზომით განსხვავებული
და რა მოკლავს აწი...

საქართველოს სიყვარულში...
და ძმობაში... სიხარულში...
თუ დაცალა ყანწი...