ბოთლი ჰენესი

ნედლი სურნელით შემომენატრე
ხიდან დაშვებულ ყვითელ ფარდებში
ნეტა ბუხარში, კეცის მჭადს აცხობ
თუ ჰენესს წრუპავ, ბომონდ გარდენში?

გამიტყდა გული არაფრით, ხოლო
ძილი გამიტყდა ფინჯანი ყავით
აივანს მოწყდა ყინულის ლოლო
ზამთარი - იყო, ჩვენ - არ ვიყავით

მოსაწყენია ერთფეროვნება
მეც რაღაც უცხო მინდოდა მეთქვა
ვრჩებოდი ღამით მშვიდი და უხმო
მესმოდა შენი და გულის ფეთქვა...