Saturday, October 1, 2011

გზაში

ხაზები ხედებს ავსებენ
ნახევარია პირველის
ვიკრავ აზრების ღილებს და
ვფიქრობ: ნეტა იქ ვინმელის

სარკმელში, მთვარე ნაფენი
მოჩანს ყანები, სიმინდის...
და ხდება არც არაფერი:
მატარებელი წინ მიდის

ბოძიდან ბოძზე გაბმული
ხაზები ხაზებს ედება
და თითქოს სადღაც დაბმულმა
მზემ აიწყვიტა: თენდება

ფერდობ და ფერდობ, გზა და გზა
მთები დილის ნამს იდებენ
ღამენათევი მგზავრები
ცოტაც და გაიღვიძებენ

სარკმელში, ნამდადებული
მოჩანს ყანები, სიმინდის...

5 comments:

  1. ეს მომეწონა ძალიან
    "და თითქოს სადღაც დაბმულმა
    მზემ აიწყვიტა: თენდება"

    მაგარია.. :)

    ReplyDelete
  2. თბილი, გემრიელი, მსუბუქი <3 კარგია

    ReplyDelete
  3. :) თბილი იყო. მეც მომეწონა :)
    ისე ზურიკელასი არ იყოს, პირველის ნახევარზე როგორ თენდება :D

    ReplyDelete
  4. Samurai Girl s
    აი, აი :)))))))))

    მიდის მატარებელი და დროც გადის... და ნელნელა თენდება... :)) 4 საათიანი ლექსი უნდა დამეწერა და ასე 6-ისკენ მოუწევდა :D

    ReplyDelete
  5. ა, ეს მართლა მომეწონა
    მატარებლის სუნი ვიგრძენი :)

    ReplyDelete