Friday, January 28, 2011

გაზაფხულს

მიყვარს როცა დათბება და
გაზაფხული მოდის
კვირტებს ყოფნა არ ანაღვლებთ
ჯერ არ გამდნარ თოვლის

მიყვარს როცა მავთულები
იხსნის ლოლოს მძივებს
და ღურბლების სართულები
მზეს არ ალოდინებს

როგორ მიყვარს ბალახები
ცვრის კოცნას რომ ელის
და ჩიტებს რომ არ ელევათ
მთხოვნელები ხელის

როგორ მიყვარს აფეთქება
მწვანე თხილის ფოთლის
და ასფალტზე დახეთქება
ახლად დაცლილ ბოთლის

მიყვარს ისე ძლიერ, ძლიერ
სუნი ნედლი მიწის
მაგრამ იცი, უშენობა
გაზაფხულზეც მიჭირს

მიყვარს როცა დათბება და
გაზაფხული მოდის
კვირტებს ყოფნა არ ანაღვლებთ
ჯერ არ გამდნარ თოვლის

2 comments:

  1. ეს დღევანდელი ამინდის სიყვარულში იყო ხო, საგაზაფხულო ნოსტალგია :))

    ReplyDelete
  2. ლექსზე არ მითქვამს მაგარია, მე კონკრეტული ტაეპი მომეწონა და დამაფიქრა რამდენად სიმართლეს შეესაბამება ზამთრის სანადირო სეზონის შემდეგ ადრე გაზაფხულზე,ჩიტების "პაკლონიკების" ამოუწურავი რიცხვი არსებობა :))

    ხო კიდევ ხშირად ვკითხულობ შენს ბლოგს და ვფიქრობ რომ მარტო "ს.რულ"(როგორც ზევით აღნიშნე) ლექსებს არ წერ :)))))არამედ "კარგებსაც აჩენ" ხოლმე.

    ReplyDelete