Tuesday, January 25, 2011

დილა

უსასრულობას დავაყრი მარილს
და მონატრებას დავლევ დოქიდან
რითმებს ლექსებში უაზროდ ავრევ
და ყავასთან ერთად საწოლში მოგიტან

მერე დავასწრებ მზის სხივებს კოცნას
მოშიშვლებული ნახევრად მუცლის
მე არ ვაპირებ არცერთ წამს მოცდას
მზე კი თავის რიგს, ფანჯრიდან უცდის

აგირევ მინდორს - ქათქათა ზეწარს
მთებს გამოგაცლი თავიდან - ბალიშს
საბანი ცად რომ გახურავს - მე მწამს
ცაში კი ბამბის ღრუბლები არის

უსასრულობას დავაყრი მარილს
და მონატრებას დავლევ დოქიდან
რითმებს ლექსებში უაზროდ ავრევ
და ყავასთან ერთად საწოლში მოგიტან

5 comments:

  1. ნუ მაკომპლექსებ, კი არა, კარგი, ავიკიდებ ზურგზე მაგ ტვირთს..

    :)))))))))

    ReplyDelete
  2. :)) ოხ ეს მუზები

    ReplyDelete
  3. ვასასის გულჩვილობა არ მომწონს მე ამ ბოლო დროს მხოლოდ :)

    ReplyDelete
  4. ნუ მაკომპლექსებ, კი არა, კარგი, ავიკიდებ ზურგზე მაგ ტვირთს..

    :)))))))))

    ReplyDelete