***

ერთი უბრალო ჭიანჭველა ვარ...უბრალოდ პრინციპული...

სრულიად კულინარიული

სიყვარული ტაფამწვარია
შენი ხმა ვერდის არია...
შენი თმა ხედვის არეა
სული სხეულის გარეშე
შორეულ არე-მარეში
მთების და ზღვების გადაღმა
გპოულობ სავსე მთვარეში
და კიდევ ერთხელ დაღამდა
შენი ხმა მონატრებაა
ვარძიიდან ან რომიდან
უცებ მიატნი კამფეტი
და შენთან ყოფნა მომინდა
კომბოსტო, ხახვი, ომბალო
შენი ტუჩები და კოცნა
წვრილად დაჭერი, არიე...
და მორჩა...

ჭყინტი ყველი...

აბდა-უბდა
გახლართული
რთული როგორ
მავთული

შენი კოცნა
შენი სითბო
შენი მერვე
სართული

აბდა-უბდა
დაბინდული
რთულზე რთულზე რთული
ჯერ დავიწყოთ
მერე ვნახოთ
თუ იქნება სრული...

არაფერი უსაშველო,
არაფერი რთული
ჭყინტი ყველი
ტყემალი და
შენი სყვარული...

გალაკტიონი - მე და ღამე

და აი ისიც :)

***

გულიდან ხელების გავლით...და არა გონების...
აი ეს არის ჭეშმარიტი პოეზია

მგონი დამესიზმრე... (ნუ თუ)

ნუთუ არ მაკოცებ ნერვებ აშლილს
ნუთუ არ ამიწყობ რითმას, დაშლილს
ნუთუ კიდევ ერთხელ დაფიქრდები?
ისევ თბილ ქვეყნებში გაფრინდები?
რატომ მენატრები
უმოწყალოდ
როგორც გადმომსკდარი
მთიდან წყარო
უხეშ სულის კედლებს
მეხეთქები
ძლივს რომ ვიჟღინთები
მერე ვხვდები
ნუთუ არ მაკოცებ ნერვებ აშლილს
ნუთუ ვეღარ გნახავ, თხელ თმებ გაშლილს
მგონი ეხლაც მხოლოდ დამესიზმრე
როგორც ძველი ფილმი შავთეთრ ფირზე

ფიქრები შენზე

არ მიყვარს
ჩემი სახლი უშენოდ
მოდი ჩემთან
იქნებ რამე ვუშველოთ...

როგორ მიყვარს შენი სითბო
მზერა...
ყველაფერი რომ დაგითმო
ვერა?

კიდევ ერთი ტეკილა და
მორჩა
სადღაც შენი სილუეტი
მოჩანს

და შენს შუბლზე ჩამოყრილი
თმები
უსასრულო ჰორიზონტი
მთები...

და ჩემს სახლში შენს გარეშე
მარტოს
მხოლოდ შენზე ოცნება თუ
მართობს...

მუზის "Out of office"

გასული ვარ შვებულებაში და შეზღუდული წვდომა მაქვს თქვენს შთაგონებაზე.

აუცილებლობის შემთხვევაში მიმართეთ alcohol@muse.ge

წელიწადის წლები

გადის წლები...გადის...
წლები წელიწადის...
ნელა ნელა ნელა
ადის... ჩადის... ადის...
ხარბად ვსუნთქავ ჰაერს
გეფერები ვერ გთმობ
როგორ ნელა მტოვებ
ნეტა არ გაგეთბო
ჩემთვის ასე გული
ნელა ნელა ნელა
როგორც ბავშვობაში
ჩემი საქანელა
გადის წლები გადის
და ცხოვრებაც ქორფა
უფრო მეტი მწადის
შენთან ერთად ყოფნა

ადის...ჩადის...ადის...
რატომ ასე ნელა?..
შენი თვალები და
ჩემი საქანელა

სრულიად უაზრო

მე თუ სამჯერ მოვიწყენ
ოთხჯერ გეამბორები
როგორც ზღვის გოჭები და
როგორც ნიამორები

:)

"უცნაურად"..."რატომღაც"...

მანამ სანამ შენ...
ჩუმად...ჩუმად...ჩუმად...
რატომ ათბობ ასე...
თუ მე, თუ მას, თუ მათ...

როცა მოვა დრო
დარდი...დარდად...დარდობს...
ერთი ჭიქაც და
ვთვრები, თვრება, ათრობს...

კართან, სევდით, მალვით
ფიქრი შენს თავს ახლავს
გაკოცებ და ვიგრძნობ
ძველს...არც ისე...ახალს...

უბრალოდ და ჩუმად///
გაგონილს და ნაცნობს...
როგორც საყვარელს...
და უბრალოდ კარგ ცოლს@@@

მანამ სანამ შენ...
შენ მანამდე სანამ...
გკოცნი...გკოცნი... და...
.......................