Нико Гомелаури

რუსულად დავასათაურე განგებ და მოგვიანებით მიხვდებით რატომ.

მახსოვს, ერთ მშვენიერ დღეს გავიღვიძე, კომპიუტერის ჩართვასთან ერთად "ფეისი" გავხსენი და დამხვდა ბევრი ლექსი, ძალიან ბევრი ლექსი, ოღონდ ყველა ნიკო გომელაურის. რატომღაც არავის არ ეწერა რომ ნიკო გარდაიცვალა, მაგრამ მივხვდი რომ ასე იყო.

ნიკოს ლექსი იმ დღეს ფეისბუქზე მგონი ყველამ "დაპოსტა" თუ "დადო"...იმან ვისაც უყვარდა ნიკო, იმან ვისაც ყურმოკრული მაინც ქონდა, იმან ვინც არ იცოდა ვინ იყო საერთოდ ეს ადამიანი, და იმანაც ვინც არ იცოდა, რომ იუთუბის ეს ვიდეო თუ ტექსტი ვიღაცის სტატუსში საერთოდ ლექსია თუ მოთხრობა.

ჩემო ბლოგის მკითხველებო, იმედიმაქვს მეც არ გამიბრაზდებით. როდესაც ვისმენ რაიმე კარგს, გემოვნებიას ან უბრალოდ "ჩემეულს", ძალიან მინდება სხვებს გავუზიაროთ. ამიტომაც გიზიარებდით ნიკოს ლექსებს მის გარდაცვალებამდე და ეხლაც ვერ შევიკავებ თავს, თუმცა გარკვეულ კომპლექსს, ნიკოს გარდაცვალების დღეს მომხდარი მასიური ისტერიის შემდეგ ვგრძნობ.

იმედია გამიგებთ. მაშ ასე, ნიკო გომელაური (მგონი) ნაწილი IV:


[youtube http://www.youtube.com/watch?v=ZJmkMQF78Sg&hl=en_US&fs=1&]

გამიბანძდა - ვიდეოთეკა

პირველად ბლოგის ისტორიაში საკუთარი ლექსი ვიდეო ფორმატში :)
დიდი მადლობა ბაჩო ჩაჩიბაიას... მადლობა მეგობრობისთვის... :)

[youtube http://www.youtube.com/watch?v=FNbrt3XOYcU&hl=en_US&fs=1&]

დიდი მადლობა ნატალის რომ იგივე ვიდეო დააფიქსირა :) მისი ვერსია უფრო მომწონს თუმცა ბლოგზე ვერ დავაკოპირე :)

lasharela.com

უამრავი ბლოგ სისტემა ვცადე, მაგრამ აღმოვჩინე რომ blogger გუგლისგან საუკეთესო მათგანია.

ასე რომ ისევ და ისევ ავდეექი და უბრალოდ ახალი დომენი გამოვიყენე ბლოგროლისთვის.

ყველაფერი ნაცნობია, ყველაფერი ახლოს არის...შეკითხვები არ მაქვს :)

დილა მშვიდობის

დილამშვიდობის მზეო
მშვიდად გეძინა წუხელ?
ადრე ამდგარხარ ისე
და ყველას თვალებს უხელ

დილამშვიდობის სახლო
მადლობ რომ ღამით მიცავდი
ვეცდები მოგიარო
ვეცდები ბოლო ფიცრამდე

დილამშვიდობის პატარა
აღარ აპირებ ადგომას?
ყვავილებს ცოტა სწყურიათ
მორწყე – გეტყვიან მადლობას

დილამშვიდობის დეე
დილამშვიდობის მაა
დღეს თბილი არის დღე
ტყეს დაუბრუნდა ხმა

დილამშვიდობის მზეო
მშვიდად გეძინა წუხელ?
ადრე ამდგარხარ ისევ
და ყველას თვალებს უხელ

***

იმისთვის რომ პროექტი წარმატებული იყოს, რამე ისეთი უნდა გააკეთო რაც ჯერ არავის გაუკეთებია მაგრამ ყველას ჭირდება

ღამე მშვიდობისა

ღამემშვიდობის მზეო
მე უკვე დავწექი და ვიძინებ
დილით გავიღვიძებ ადრე
და შენთან ერთად ვიცინებ

ღამემშვიდობის სახლო
ვწუხვარ, არავინ გალაგებს
როცა შენთან ვარ ახლოს
ვნატრობ შორეულ ქალაქებს

ღამემშვიდობის პატარა
ხომ იცი...მიყვარხარ ძალიან
ოცნებამ შენსკენ მატარა
სულ ამ სიზმრების ბრალია

ღამემშვიდობისა დეე
მამა მომენატრა უცებ
ვიცი გეგრძელბა დღე
ვიცი რომ მაინც უძლებ

ღამე მშვიდობისა მზეო
მოგეფერები დაბლიდან
მთხოვა არ გამექცეო
შენი გამთბარი საბნიდან

შენ მე არ გიყვარვარ :(

მე მიყვარს შენი დარკული ტანგო
და მიყვარს შენზე დაკრული ტანგა
შენი წვნიანი ტუჩები – მანგო
ფორთოხლის კოცნით რომ დაითანგა

მე მიყვარს შენი გაკრული ხელი
მუცელთან ხალი და მშრალი ხველა
შენთან შეხვედრას ყოველთვის ველი
და "შენ" მგონიხარ რატომღაც "ყველა"

მე მიყვარს შენი სამაგრი თმების
პატარა სარკე, ძველი მაგიდა
შენი სიმღერა და გაშლა ხმების
და ჩემთან ყოფნა რომ აღარ გინდა...

მე მიყვარს შენი დარკული ტანგო
და მიყვარს შენზე დაკრული ტანგა
შენი წვნიანი ტუჩები – მანგო
ფორთოხლის კოცნით რომ დაითანგა

***

როგორ მინდა გიწილადო ჩემი კმაყოფა
მაგრამ რავქნა, არ მოსულა ნულზე გაყოფა...

უშენოდ ვხმები...

უშენოდ ვხმები
ნელნელა უხმოდ
როგორც ყვავილი
უწყოლ, უმზეოდ
მოდი ჩვენს წარსულს
ერთხელაც ვუხმოდ
ვაშლის კვირტები გაზაფხულზე რომ
აყვავილდება
როდესაც მთვარე გადაფარავს
მზის სამ მეოთხედს
გახსოვს მე რომ ხედს
(ხიდს ხეებს მიღმა)
გაჩვენებდი
წითელი მზის ჩამავალ ფონზე
და ღამის ორზე
ვარსკვლავების ჩუმი ჩურჩული...

ვხმები უშენოდ...

***

აქ მშვიდია სული
შფოთვა გამონაგონი
აქ შვიდია სრული
ლოცვით სავსე ვაგონი
აქაური ცისკარი
უცნაური დარია
უცნაურად ცრის ქარი
და თითქოს გიხარია
აქ ორივეს გიღებენ
მიწისა და ცის კარებს
რწმენით თუ არ იგემებ
ახლოს არ გაგიკარებს

აქ მშვიდია სული
შფოთვა გამონაგონი
აქ შვიდია სრული
დატვირთული ვაგონი